Арьсны ямар нэг төрлийн өвчний үед арьсан дахь витамины хэмжээ багасч, арьс хатуурах, үрчийх, юмуу толботож сэвхтэнэ.
Төрөл бүрийн витаминыг хэрэглэснээр арьсны цусан хангамж сайжирч, тэжээллэг болж ирнэ.
Витамин А
Арьсны хамгийн чухал хэрэгцээт витамин юм. Түүнийг гоо засалд тосон ба шингэн хэлбэрээр тосны найрлагад оруулж түрхэхээс гадна ууж хэрэглэдэг байна. Ингэснээр арьс хуурайших холцруутах нь багасч зөөлөн тэжээллэг болдог. А витаминыг уухдаа их тунгаар өдөрт 100 мянган нэгжээр 1 сарын турш ууна. Ихэнх тохиолдолд зарим витаминтай хавсарч уудаг. Жишээ нь: витамин E, B12, мөн гормонтой хослуулахад тэдгээрийн үйлчлэл нь идэвхждэг.
Витамин В1
Мэдрэлийн системийн үйл ажиллагааг жигдрүүлж өгнө. Витамины В төрлийн комлексууд элэг, тараг, пивоны хөрөнгөнд баялаг байдаг бөгөөд арьсан дахь бодисын солилцоог идэвхжүүлнэ, үс уналтыг багасгана.
Витамин В12
Витамин А-гийн тархалтыг сайжруулж, түүний суурь нь болж өгдөг.
Витамин С
Дотуур удаан хугацаагаар ууж хэрэглэхэд судас хатуурлын эсрэг үйлчилгээ үзүүлж организмын хөгшрөлтийг удаашруулна. Мөн сэвх болон пигментийн өөрчлөлтөөс үүссэн толбо, арьс хрлах зэргийг зас цайруулах үйлчилгээтэй. Дээрх тохиолдлуудад өдөрт 1 грамм С витаминыг 20-30 хоног ууж хэрэглэнэ.
Витамин D
Маш бага тунг витамин А-тай хольж хэрэглэснээр арьсанд үйлчлэх үйлчлэл нь сайжирдаг.
Витамин E
Арьсны эд эсийн боловсролтыг сайжруулж арьсыг шинэчлэгдэхэд гол үүрэнг гүйцэтгэнэ.
Bитамин F
F витамин дутагдсан үед арьс хуурайшиж, амархан гуужиж унадаг. Үсний ширхэг нарийсч хугарамтгай, өнгөгүй болж унаж эхэлнэ. Толгой хагтана.
