/Зугаа цэнгэлийн үнэрт алдагдсан ихэмсэг хэрнээ эмзэгэн тэр бүсгүйд/
Янжуурын саарал утаа
Ягаахан уруулд нь зохиогүй
Ямбатай яриа, ихэрхэл
Ялдамхан царайнд нь бүр ч тохироогүй
Энгэрээ аль болох задгайлаад
Эрчүүдтэй сээтэгнэхдээ тэр юу ч боддоггүй
Элдэв шунхаар гоо сайхнаа далдлахдаа
Эмэгтэй хүнийхээ үнэ цэнийг мэдрээгүй
Тачаангуй гэдгээс өөр
Таатайхан үг бараг сонсоогүй
Тамхи гэгчээс өөр
Тайвшруулах зэмсэг түүнд олдоогүй
Юунаас ч буцахгүй гэж хэлүүлэхдээ
Юунаас ч ичээгүй-тэр бүсгүй
Юу хүссэнээ л хийж явахдаа
Юу "хүсдэг"-ээ үнэндээ ойлгоогүй
Өдөр болгон чиний төлөө залбирдаг
Өөрийгөө татаж аваасай л гэж тэр
Өөдөсхөн биенд чинь хүйтэн харц ахдахсан
Өнөөх урьдны дүр чинь алдаг оног үзэгдэнэ
2010.11.15
