Ажиггүйхэн нойрсох нэгэн эмэгтэй
Аниргүйхэн орон зай, түүний өрөө
Шүүгээн дээр найз залуугийнх нь зураг
Шөнөжингөө дуугарсан гар утас
Татлаганд хавчуулагдсан дотуур хувцас
Тарааж хаясан нүүрний будаг
Бээжингээс авсан цэцгийн вааранд
Бэлгэнд авсан улаан сарнай
Бэлдэж тавьсан хувцсан дээр зүүх
Бэлгэдлийн чанартай ээмэг бөгж
Сонгодог хөгжмийн цомогтой цуг
Солонгос уянгын киноны хуурцаг
Өдрийн тэмдэглэлтэй нь хамт хөглөрөх
Өнөөдрийн чухал ажлын төлөвлөгөө
Буйдан дээр чихмэл бамбарууш
Бугуйн цаг хэвтэж харагдана
Аваад хартал 8.30
Ажлаасаа хоцорлоо босъё доо!
2008.07 сар
