1.Том захтай богино хүрэмийг бараан өнгийн жинсэн өмд, гутал тэргүүтэнтэй хослууллаа. Боронзон шаргал өнгөтэй хүрэм таныг залуу, эрч хүчээр дүүрэн харагдуулна. Цүнхний хувьд мөн л энэ хавар моодонд ороод байгаа бөмбөгөр болон гинжэн оосортой загваруудаас байрлуулсан. Индүүн ултай өндөр платформ сүүлийн үеийн бүсгүйчүүдийн сонголт болоод байгааг та андахгүй биз.
2.Харин ажил хэрэгч, классик загварыг илүүд үздэг бүсгүйчүүд маань удаах зурганд анхаарлаа хандуулна уу. Trench coat, урт түрийтэй гутал, жижиг гар цүнх бол өөрсдөө хэзээ ч хуучрашгүй классик загварууд билээ. Тэдэн дээр хуниастай энгэр, барын арьсан болон "нүцгэн" шаргал өнгөнүүдийг нэмчихвэл орчин үетэйгээ хөл нийлүүлж алхдаг эмэгтэйчүүдийн мөрөөдөл биелээ л гэсэн үг. Тийм биш гэж үү?
3.Бүсгүй хүнийг гоёмсог ээмэг бөгжгүйгээр яахин төсөөлөх билээ. Таны доор харж байгаачлан винтаж ба олон өнгөтэй аксессуарууд Заяазын харааг булаалаа. Ер нь дэлхийн загварын чиг хандлага өдөр ирэх тусам өвөрмөц, содон хэлбэр лүү нүүгээд байх шиг.
