Би нэг хөвгүүнд их олон жил сайн байгаа юм аа. Энэ тухай бичвэл их урт түүх болно байх.
Гэхдээ энэ удаад би энэ түүхийнхээ талаар биш удахгүй болох төрсөн өдрөөр нь ямар бэлэг өгөх, яаж өгөх талаар асуух гэж энэ захидлыг бичиж байна.
Тэр бид хоёр нэг ангид олон жил хамт сурж байгаа найзууд. Тэр маань ерөнхийдөө их дуугүй гэхдээ яг сэтгэлээсээ ярилцах юм бол их нээлттэй хөгжилтэй, хүнд чин сэтгэлээсээ ханддаг. Энэ жил тэр маань 18 хүрч байгаа юм л даа. Тэгээд бэлэг өгмөөр санагдаад. Өмнө нь бэлэг өгч байсан ч гэсэн яг төрсөн өдрөөр нь, тэгээд бас том бэлэг өгч байгаагүй болохоор ямар бэлэг өгвөл баярлах бол гээд эргэлзээд байна. Эрэгтэй хүнд юу өгвөл зүгээр байдаг юм бол оо? Бас тэр бэлгээ яаж өгөх вэ? Надад зөвлөөч.
