Гоёлын даашинзны торгомсог энгэр дороос
Гоолиг бие нь тэвчээр алдрам үзэсгэлэнтэй
Цагаахан хүзүү цээжнээс нь цахирмаан сүрчиг анхилж
Цаашид гарынх нь аясаар орчлон ертөнц эвийлэгдэнэ
Сул асгарах хормой нь усан долгион мэт хөвөлзөж
Сувдан цагаан шилбэ нь түүнд наадах жараахай адил
Бүжин аальгүйтэх түүний яруухан мишээлд олзлогдон
Бүхнээ зориулахад бэлэн хэмээн эр болгон цуурайлна
Эхнэртэй эрийн ч сэтгэлийн жолоог унаган алдуулам
Эрхэмсэг хархүүгийн бардам харцыг уургалан номхруулам
Ийм хүчтэй гуй төрхийг би хаанаас ч үл олно
Иймээс зөвхөн төсөөлөл дотроо амилуулна...
2009,04,12
