1."Чи миний урьд нь үерхэж байсан хөгийн юмнуудаас хамаагүй дээр"
Та түүнийг бусдаас өөр, онцгой гэдгийг нь мэдрүүлье гэсэндээ л түүнд ийнхүү хэлдэг. Харин түүний хувьд энэ нь том цохилт болдог аж. Энэ үг таныг хайр дурлалын хувьд барцадтай нэгэн мэтээр ойлгуулна. "Эр хүн эр хүндээ хайртай" учраас асуудлын гол нь танд л байсан болоод, өдийг хүртэл олон азгүй дурлалтай учирсан байж таараа хэмээн бодоод тэр танаас зайгаа барих вий.
2.Энийг авахад мөнгө чинь хүрэх юм уу?
Эрчүүдэд энэ нь яг л доромжлол шиг сонсогддог. Яг үнэндээ тэдний түрийвч ихэнхдээ хоосон байдаг байлаа ч, тэд найз охиныхоо дэргэд түүнийгээ нуухыг хичээдэг. Харин энэ үг тэдний оролдлогыг нэг мөсөн унтрааж байна гэсэн үг юм. Хэрэв түүнээс ямар нэг үнэтэй зүйл бэлгэнд авахаас санаа тань зовоод байвал, надад ийм загвар, эсвэл ийм эдлэл нэг их таалагддаггүй гэж хэлэх нь хавьгүй дээр.
3."Найз охин минь хүнд битгий хэлээрэй гэж захьсан, гэвч..."
Найзууддаа тохиолдсон явдлын талаар бид хамгийн итгэл хүлээсэн, найдвартай хүндээ л хэлдэг. Харин тэдний хувьд энэ нь ямар ч хэрэггүй хов жив шиг сонсогдоно. Эсвэл таныг хүний нууц хадгалж чаддаггүй юм байна гэж ойлгоно. Хэрэв таны хэлэх зүйл хөнгөн маягийн паян байвал эхний хувилбраар, илүү ноцтой асуудлын талаар бол хоёр дахь хувилбраар ойлгох вий.
